close
人體兮新陳代謝是靠血液佇血管內面循環進行兮，血管兮擴張和收縮是由人體兮自律神經所主宰。自律神經若發生異常，連帶血液兮流動嘛受影響，這著是發生各種疾病兮主因。血液循環無好，輕症干單僵硬或是驚冷爾爾，上恐怖兮著是血栓，造成腦中風和心肌梗窒兮主要殺手。因為腦是人體需氧量上岏兮器官，腦中的血流量若不足時，著顯示氧氣兮供應量相對降低。即時，血液自然混濁未清，血管老化現象就發生，血管壁會慢慢變厚，血一旦停止流動，腦細胞便開始壞死，造成腦中風。
所以，心靈座標今仔日第二擺，欲紹介兮是：
阿媽留即句諺語，教咱給血管顧乎好，身體著會跤著鬆手著冗， 身體若無爽快，精神著綴咧孬去。血管若顧乎軟略，會食閣會放，會走閣好睏，按爾，雖然年歲一年一年增加、猶原無病無痛，自由自在，嘛較未予序細操煩。
諸位先賢、後進，會記得第 3 擺再會哦！
文/陳泰然
台南市台語羅馬字研究學會創會理事長
全站熱搜
留言列表
