01.jpg 
【阿媽兮話】第4講

 台灣人搰力、勤儉兮德行,自從1945年,第二次世界大戰終戰以來,靠著無窮兮精力、不斷兮拍拚,產品行銷全球各地,創造世界罕見兮經濟奇跡,出名全世界,通講是二十世紀兮猶太人。


 古早兮讀冊人,為著功名,十年寒窗苦讀;即碼兮人為著生意,經年國內外走透透,會使講「無閒通破病」,若準雄雄感冒或是否運破病,攏想講:無閒做生意,哪有閒通去看醫生;往往攏過幾日仔著好去啊,毋拘,若否運,真正病情嚴重,閣先去透過童乩問神託佛,可能燒一下仔符仔、食一下符仔茶著好啊。

 人講:「酒匟久會芳,病匟久是會嚴重。」有當時仔,小病無隨求醫,大病卡來緊張潀醫生館。若無拄好,凡勢性命著烏有去。

 諸位看倌,日常生活中,人人若會當適當作息,保持健康,無病無痛,按爾,精神著爽快,生活著幸福;萬一若病魔來侵,愛較緊就醫,毋通蠻皮逞強,較未惹來無謂兮困擾。
所以,《心靈座標‧阿媽兮話》第四擺,欲紹介兮是:

002.jpg   

 阿媽留即句諺語話,教咱給身體顧乎好骨格。有健康兮身體,頭路卡會當認真做、生意著會大進貨、大出貨,春家賄,進一步,服務社會,予咱兮囝孫仔代代大葩火。
諸位先賢、後進,會記得第 5 擺再會哦!

001.jpg   

文/陳泰然
台南市台語羅馬字研究學會創會理事長

 

文章標籤
創作者介紹

腦與生活

BrainLOHAS 發表在 痞客邦 PIXNET 留言(0) 人氣()