01.jpg 
【阿媽兮話】第3講

 筆者台南一中同窗/高雄海軍總醫院兮內分泌科權威~陳國群醫師在生進前,和筆者見面定定會提起:「人,會食著愛會放、會行著愛免人牽、會睏著愛一暝到天光。」
會食著愛胃腸好,好消化、好吸收,煞落去愛好排泄,毋通泌結或是落屎。

 會行著愛跤手溜掠,毋免舉柺仔,毋免予序細給你扶、給你牽。

 會睏著愛毋通厚眠夢,毋通定定起來走便所,一暝愛好睏到天光。

 人人若會當保持健康,無病無痛,按爾,著會當老皮未過風,老皮定康康;病魔未來攻,毋免予醫生摸;精神清爽,眼明腦聰;身體健康,食到一百捅。

 所以,《心靈座標‧阿媽兮話》今仔日第三擺,欲紹介兮是:

001.jpg 

 阿媽留即句諺語,教咱給身體顧乎好,身體則會跤鬆手冗,少壯兮時,認真做頭路、拍拚做事業,春家賄;趁錢有數,性命著顧,老來卡未身體否去。身體一旦若有病痛,真正是用錢買未轉來健康兮。祝諸位看倌,人人會食好放,會行免人牽,逐暝好睏到天光。

 諸位先賢、後進,會記得第 4 擺再會哦!

002.jpg 

文/陳泰然
台南市台語羅馬字研究學會創會理事長

 

創作者介紹

腦與生活

BrainLOHAS 發表在 痞客邦 PIXNET 留言(0) 人氣()